Внимавајте на профитерите!

Овој жeсток напад врз профитерите резултирал со покренување обвинение за „поттикнување“ против Жан-Пол Мара од страна на жирондистите, но обвинението не било потврдено на суд.

Не може да се оспорува дека капиталистите, брокерите, бирократите и поранешните благородници се скоро сите сателити на стариот режим. Не гледам средства за промена на нивниот став, не знам за ништо друго што може да го обезбеди мирот на државата од целосно уништување на овие проклети заговорници. Тие сега ги удвојуваат своите енергии со цел да ги доведат луѓето во глад и мизерија со помош на цени далеку над сите нивоа што ние ги имаме видено порано.

tumblr_mig6kcgJS71rqc0eao1_1280

Со оглед на фактот дека нацијата, уморна од постојан филибастер, сè уште не презема средства да ја прочисти нашата ослободена почва од оваа банда од криминалци, дека дури ги охрабрува своите весели претставници да преземат вакви престапи осигурувајќи им имунитет, човек може само да се зачуди што граѓаните од различни градови, разгневени од ситуацијата, не го земаат законот во свои раце. Во сите земји во кои правата на народот не се само фрази за да бидат претенциозно прикажани на хартија, грабежот на неколку дуќани и обесување на сопствениците на вратите на нивните продавници, бргу би ставиле крај на овие корумпирани манипулации кои сведуваат милиони луѓе на очај и да гладуваат илјадници до смрт. Дали претставниците на народот конечно нема да направат нешто повеќе од тоа само да брборат за неволјата, без да предложат некаков лек за да ја ублажат?

Правните мерки на претпазливост немаат никаква корист. Стана јасно одново и одново дека тие се неефикасни. Само кон револуционерни средства може да се прибегне. Јас не знам за други средства што би биле прифатливи дури и за нашите најслаби елементи, од она на оспособување на Комитетот за јавна безбедност, што на крајот на краиштата не го сочинуваат патриоти, со моќ да ја испита оваа материја и да ги донесе главните профитери на житарници пред Судот на државата, и кој ќе се состои од пет постојани членови со добар углед и да ги обвини за предавство пред овој суд.

Да бидам сигурен, знам и едно друго средство, кое исто така сигурно ќе доведе до оваа цел. Ова средство би било сите добронамерни граѓани да се организираат со цел да ги увезуваат потребните прехранбени производи од странство, повторно да ги продаваат без профит за продавачот и на тој начин да ги напуштат своите манипулации со цените се’ додека прехранбените производи не се намалат на разумно ниво; но извршувањето на овој план би значело поседување на доблести коишто не можат да се најдат во земја управувана од измамници кои ги покажуваат своите граѓански доблести само во моменти кога таквиот приказ е корисен за измама на лековерните граѓани и експлоатација на народот . Покрај тоа, оваа хаотична ситуација не може да трае уште многу долго. Малку трпеливост и народот конечно ќе ја препознае вистината дека мора да се ослободи.

Од Journal de la Republique Francaise, 25 февруари I793.