Спас од извршителите, долгот и даноците

Ставот на L’Ami du Peuple за извршителите, долгот и даноците низ годините 2007-09

 

,,Свештеникот ќе биде како и народот,

господарот како и слугата,

господарката како и слугинката,

продавачот како и купувачот,

заемодавачот како и позајмувачот,

оној што дава на заем како и должникот.‘‘ (Изаија 24:2)

 

Кој претерано молзе, измолзува крв.

(Италијанска пословица)

 

„Магариња многу мудри! Младо и старо!

Така, како е редно, почитувајте го царот!

Заслужувајте ја мојата милост висока!

Плаќајте го данокот точно во рок!

По славниот пат на честа одете,

и како татковците ви, мирни бидете!“ (Хајне)

 

„Слушнеш лошо, не мршти се;

и на грдо, не чуди се.

Само данок, роде, плати,

и за друго не грижи се!“ (Ј.Ј.Змај)

 

„Mојата работа тргна како што треба. Нема Тарас да издржи повеќе од една недела. Јас прво – вели ѓаволчето – се потрудив да му порасне стомакот и му всадив во душата завист. Така постана завидлив на туѓо, се‘ што ќе види сака да купи. Накупува се‘ и сешто за сите свои пари и се‘ уште купува. Сега почна да купува и на вересија. Се дави во долгови и така е сплеткан да не може да исплива. За недела дена ќе дојдат доверителите за своите побарувања, а јас од се‘ што тој накупувал ќе направам ѓубре – нема да може да ги подмири долговите и ќе дојде кај татко му.“ (Од Толстоевата бајка „Иван-будалчето“)

 

Член 30 од Уставот на Р. Македонија ви „го гарантира правото на сопственост“. Меѓутоа, истиот остава да власта „во вид на пари“ ви ја одзема сопственоста и ја става во свој џеб. Во таа смисла:

1.МРТВ до скоро ви доставуваше своеволни решенија со „правна сила“ на извршност за плаќање на радиодифузна такса(!);

2.ЕВН ви монтира „бесплатни“ струјомери, кои потоа ги наплаќа со 3-5 пати повисоки сметки од претходните. ЕВН има и други начини да ве пљачка;

3.„Водовод“ ве пљачка со „закочени водомери“. Ако пријавите во МВР за наведеното тие не преземаат ништо. (Пријава бр.73790/11.11.2009);

4.Градоначалникот на Скопје ве пљачка со „зонско паркирање“;

5.Општината ве пљачка со продавање земја „под зграда“ и дворни места, иако се тие дел од станот;

6.Политичарите дрдорат глупости за името, граѓански права и слободи, пазарна економија и др., не гледајќи дека тоа се илузии на граѓанското општество;

7.Законодавците измислуваат „закони“ со цел што подлабоко да ги завлечат рацете во вашите џебови;

8.Секоја институција ве присилува да отворите „трансакциска сметка“ за да го пратат секое париче што ќе го добиете и да ви одземат сè што судовите ќе пресудат. (Види наведено под 1.) И сè така до бесконечност додека не станете потполно робови.

Паричното стопанисување секогаш доведува до поробување на работниците. Историјата тоа го докажала повеќе пати, а газдите го знаат инстинктивно, затоа ако таа и ви ги опрости долговите после извесен број циклуси вие пак запаѓате во долгови.

Затоа, луѓе, не плаќајте никаква радиодифузна такса, не плаќајте паркинг, не откупувајте ги дворните места и „земјата под зграда“(!), не плаќајте данок на стан, земја, имот кој го користите сами, какви било такси и давачки, не ги плаќајте долговите кон банките, организирајте месна самоодбрана од лихварите…

Во понатамошниот развој ќе ги решаваме сите прашања кои власта не сака ни да ги спомене како укинување на парите, укинување на неправичната општествена поделба на трудот на уживатели-диригенти и работници, научна организација на општеството и сè што произлегува од тоа. Нема да не спасат ни ЕУ, НАТО, БРИКС, ни Катар со сите нивни долари, злато и оружје ако не знаеме да го организираме производството на најсовремен начин.

Ако власта и институциите се обидат да ви одземат било што преку трансакциска сметка или со извршители тоа ќе биде доказ дека не сте ‘и важни вие, вашиот национален идентитет, туку вашиот имот! За да не се случува тоа, да се организираме по принцип „општонародна одбрана“ и да спречиме да ни го пљачкаат она што го „гарантираат“ со устав. Инаку во што тие извршители се разликуваат од турските арачлии? Размислувате ли за тоа?!

Средната класа живее постојано во вечен страв од осиромашување и неоснована надеж за збогатување. Тоа и не е некој живот на кој човек треба да се радува. Еден „бизнисмен“ кој има повеќе продавници за исхрана тоа го изрази пред некој ден со овие зборови: „Не ги разбирам луѓето како можат да живеат под секојдневен притисок дали ќе го истерат од работа, дали ќе пораснат цените, дали ќе му ја исклучат струјатата затоа што немал пари да плати сметка, колку камата ќе му пресметат за неплатена сметка, дали ќе му дојдат извршители, зошто да плаќа паркинг пред зграда каде живее ако не плаќал 30 години… Ова е навистина лудило“, заврши човекот.

Власта ве прави сите будали! Наместо да го организира општеството на научни основи (од секого према способностите – секому према потребите) таа ,,измислува‘‘ 101 начин како да го натера НАРОДОТ ,,да си ги плаќа сметките‘‘. Научната организација на општеството не е ничија измислица, туку факт, кој стои пред очите на сите но, никој не го гледа: СЕКОЈ Е СПОСОБЕН ДА ПРОИЗВЕДЕ ПОВЕЌЕ ОТКОЛКУ ШТО МУ ТРЕБА од каде произлегува дека може и да троши колку што му треба.

Ниту на една власт не ‘и се брани да чита. И ако чита ќе види дека данокот не е ,,модерен, од економски и фискални перформанси‘‘(!), туку е израз на ропски односи на оние кои плаќаат према примачите. Кога е нешто модерно не се става на сметките за струја и во цената на секој производ па да го плаќа и просјакот што нема гаќи на газ, туку човек го прави сам оти е добро и модерно. Тоа власта не сака да го сфати па се служи со секакви подлости да ги присили луѓето да плаќаат даноци, царини, такси… ДДВ е ,,модерен‘‘ само од аспект на собирањето – нема собирачи на данок и присилни извршители како во ,,ненародните‘‘ режими па власта, ако сака, може да го смалува апаратот, кој се користи со буџет, што го бара ,,меѓународниот‘‘ капитал. А ,,нашите‘‘ ги ,,полнат сите фондови на државата‘‘ за да после пресипуваат во своите џебови.

Пазарното стопанисување, иако го фалат квази-научници како Таки Фити, ете како ве присилува да ,,си ги плаќате сметките‘‘: со исклучување на струја, со судење за затајување данок, иако не сте убиле и опљачкале никого. А што неговите поборници не сакаат да читаат и да учат па да го направат животот и полесен и порационален – за тоа никој не одговара. Што гинаат млади луѓе во бесмислени социјални судири, што пропаѓаат безброј млади животи во деструктивните општествени процеси – и за тоа никој нема да одговара. Играјте си, НАРОДЕ, политика: Љубчо го смени Бранко, Груевски го смени Љубчо, Заев го смени Груевски и така до бескрај! Не е кривично дело да не се плаќа данокот и долгот. Кривично дело, и тоа ГЕНОЦИДНО, е да се ,,води‘‘ народ, а да се нема памет за тоа…

Газдите и власта имаат безброј игри и начини да ве преведат преку сите реки жедни. Само вие верувајте им. Еве по член 26 од Уставот на Р. Македонија ,,се гаранитира неповредливоста на домот‘‘. А по ,,законот‘‘ самата таа класа од газди и државници што го створила тој устав, ви испраќа дома судски извршители да ви конфискуваат сè со што може да подмири некоја сметка. А божем од ,,уставот произлегуваат сите закони‘‘. Како сега еден закон да поништува член од уставот? И вие верувајте во законите на оваа класа од газди и државници! Со кој ум!?

Многу веруваат во иднината на модерна европска капиталистичка Македонија. Ние, марксистите, не! Овој систем кој сам ги гази своите ,,закони‘‘, кој не може да ви обезбеди никаква заштита од силеџии, криминалци и бандити, кој сам ви праќа во униформи насилници на врата, иако знае дека со постоечката ,,економска политика‘‘ сигурно станувате ,,платежно неспособен‘‘, овој систем кој ни најмалку не води сметка за логиката, овој систем кој продуцира огромен пораст на лошо живеење, криминал, наркодилерија, проституција, смртност на работни места – одамна е зрел за во музеј, но верувајте, нема да отиде таму капитализмот сè додека не се организирате да го ставите таму.

Зарем не гледаат универзитетските професори по право како Елена Градишки дека односот меѓу доверителот и должникот е однос на класна борба, произлезен од постоењето на приватната сопственост над средствата за производство и земја? Тогаш, дали ја сфаќате формалноста на функцијата што ја има еден Хелсиншки факултет, еден професор по кривично право, еден чиновник од извршителна комора? Доколку ние ја поништиме приватната сопственост, ќе нестане и класниот однос отсликан во колизиите меѓу доверителот и должникот, оттука и неформалната курва Јустиција заедно со жиголата од Правниот факултет по ѓаволите! Едноставно, правда за сиромашните не можеме да очекуваме од апологети на право, кое е нужно зло, произлезено од економската база – стоковниот карактер на производството, а со кој механизам единствено можат да си набават храна без труд. Суштината на филозофијата на правниот систем се состои во тоа богаташот да се ослободи од труд. »Ова деградирање на еден дел од човечкиот род било прво повод за образовање општество, а потоа ги создало законите«, како што би рекол Симон-Никола-Анри Ленге (1736-1794).

Спомениците на конзервативците не се столбови на некоја платформа за подобро утро на македонскиот санкилот, туку извор на екстра-профит за нивната политичка аристокрација и ортодоксното свештенство, за што ни сведочат наодите за бесрамните хонорари на членовите на Одборот за споменици во Општина Центар во времето на градоначалничката Виолета Аларова. Покрај ова, анти-христијанскиот дух на минатата власт изразито е отсликан во перманентниот терор што го егзекутира Управата за јавни приходи, која дотогаш блокирала вкупно 7.594 фирми. И во обата случаи, власта се покажа „римска“ во служба на својот најголем идол – Парите, иако тоа противречи на нејзината идеолошка хипостаза на демо-христијанство, грубо силувајќи ги божјите заповеди. Наплатениот данок нашите политички вртикапи ги изведе од египетската земја – Македонија, од куќата на ропството! Тие немаат никакви други богови, покрај Парите. Тие си прават врежани ликови во облик на фетиш-стоки, долу на земјата. Им се поклонуваат и им служат. И постојано го изговараат напразно името на Господ (заедно со ортодоксното свештенство) како би се претставиле (хомодуплексно) за демо-христијанска влада, избрана по божја волја, во очите на македонската санкилотерија. Не ги почитуваат ни сопствените татковци и мајки, а камоли својот народ, против кого шест дена ги вршат сите работи потребни да го наплатат ненаплатеното, а седмиот ден им е посветен на баханалиски приредби. Убиваат. Прељубуват. Крадат. Сведочат лажно против својот народ пред меѓународниот капитал: „Овој народ нема достоинство!“. И ете како го посакуваат имотот на другиот, незалудно створија институција Управа за јавни приходи. ,,СЕКОЈА ВЛАСТ Е ОД БОГА‘‘ ќе каже апостол Павле но, не вели: ,,како божја казна‘‘ затоа што ,,не сакавте бог да ви кралува. И голем грев сторивте барајќи цар… И ќе проплачете од него ама Господ нема да ве слуша.‘‘ (Сам.I 8:1-18).

За државата е важно да ситниот селанец и малограѓанин го плаќаат данокот. А ако тоа не се во состојба, државата ќе им „помогне“ со попис на имотот и предметите, кои можат да се одземат и да се продадат по било која цена, само да се наплати данокот. Ете, колку буржоаската држава ја штити приватната сопственост и ги „обезбедува“ правата на граѓаните. За утеха на Ејн Ренд ќе кажеме дека ни „социјалистичката“ држава не беше подобра. Таа ги преселуваше луѓето да ја продаваат земјата за да го платат данокот на истата, иако не ја обработувале додека служеле воен рок во „социјалистичката“ армија. Секогаш во буржоаското општество данокот бил „светост“, па дури и кога тоа е „социјалистичко“. Само што „социјалистичката“ држава им всади на луѓето преголема љубов према неа така што буржоазијата денес тоа обилно го експлоатира. Дури и најголемиот санкилот, кога ќе му споменете неплаќање данок, ќе ве погледне прекорно и ќе ви одговори со прашање: „А државата од што ќе живее?“. Тој нема гаќи да си го покрие газот, а се грижи за државата од што ќе живее! Значи, во поранешните „социјалистички“ земји сега буржоазијата е во предност затоа што луѓето се индоктринирани да ја сакаат „својата“ држава. А во тој случај, тие подразбираат и обврска да си ги плаќаат даноците.

Во Уставот ви се гарантира „право на приватна сопственост“, а во праксата ти се одзема истата за наплата на данок. Каква гаранција на човекови права и слободи е тоа? И, ако е тоа „право на делување“, на кој објект ќе делувате и произведувате свои производи? Капитализмот никому до денес не осигурал право на свои производи преку делување на туѓа сопственост, иако работниците работат повеќе од коњи на туѓите објекти.

По буржоаска логика даноци мора да се плаќаат. И со посредното оданочување, данок плаќа дури и оној кој дури нема никаков имот. Како е можно тоа? Се гледа дека во буржоаското општество „сè е можно“. Но, тоа „сè е можно“ ништо не решава – ги остава сите проблеми нерешени. А со укинувањето на приватната сопственост над средствата за производство престанува нужноста од постоење на државата. Наместо „еднаквост на граѓаните пред законот“, настапува еднаквост на граѓаните пред средствата за производство, т.е. обврска на секого да учествува во производството на средства за живот…

„Крез прв од варварите присилил еден дел од Елините во Азија да му плаќаат данок“, вели Херодот. Понатаму: „Скитите ги присилувале луѓето да плаќаат данок кој го одредувале произволно према својот ќеф“,  стои во Херодотовата историја. И двата исказа имплицираат заклучок дека данок плаќаат само поробените народи.

Плаќањето данок не е никакво задоволство штом произлегува од насилство. Заради тоа Хорацие вели: „Jаден народ кој мора да плаќа данок“. Меѓутоа, додека постојат народи кои може да се поробуваат – се наметнуваат и даноци. Но, времето на „мирот“ наметнува данок и на „своите“. Тоа произлегува од антагонистичкиот карактер на општеството.  Владеечката класа регулира: „Сите се должни  да плаќаат данок  за издржување на владата“, вели Адам Смит.

Во историјата постоеле и време и простори кога не се плаќале даноци. Прв кој завел плаќање даноци од страна на сите, бил Дарие, заради што  од народот бил наречен „ситен трговец“. Камбис го нарекувале „господин“, а Кир „татко“, бидејки во време на нивното владеење не се плаќале даноци. „Владата“ се издржувала „само од подароци“, вели Херодот. Но и во тоа време постојат привелегирани класи кои не плаќаат даноци. „Во Египет свештениците и воините уживаат дарови во земја од 12 дена орање (69.055 м2) ослободена од плаќање данок“. Но и во понова историја има случаи кога не се плаќале даноци. Тоа е случај со САД, кога во добата на класичниот либерален капитализам, општеството се развива без државен апарат. Исто се случува и во време на општествена нестабилност, кога разни антагонистички групи за соборување на системот, кој е спротивен на нивните интереси, организираат и спроведуваат неплаќање даноци за соборување на системот. Тоа е случај со Германија во револуционерната 1848 година. Или со многу европски држави во XX век.

Во бескласно или научно организирано општество, даноци не се плаќаат. Тоа произлегува од самата суштина на истото, бидејки не постојат антагонистички класи и нема потреба од сила која би држела во покорност одредени класи. Во контекст на реченото, декларираните „социјалистички“ држави воопшто не беа социјалистички, бидејки и во нив се плаќаше данок како и во секоја капиталистичка. И истите не беа во ништо организирани марксистички.

Фактот дека владеечките класи и групи не сакаат општеството научно да го организираат, морално ги ослободува подјармените класи од секаква обврска кон владеечките класи или водачите на државата. Не треба да се заборава фактот дека е поминато секое време на владеачи и владеени. Неизбежен императив е дека општеството треба научно да се организира. Стоковното стопанисување ни најмалку не е соодветна материјална основа, која обезбедува нормален развој на секој член на општеството. Додуша владеачите и водачите настојуваат да ги убедат плаќачите на данок дека во антагонистичкото општество сè е во најдобар ред, но таквите го забораваат библиското: „Кои го водат овој народ – го заведуваат, а кои дозволуваат да бидат водени – тие ќе пропаднат“. Значи, уште пред повеќе милениуми, демагошките намери на водачите биле разоткриени и нема основа тие да го лажат народот со нивните идеологии како политика, право, филозофија, економија (пазарна) и други нонсенси, кои им обезбедуваат само нивно понатамошно паразитирање и заострување на општествените антагонизми. Во разгледуваниот случај се наметнува само обврска на плаќачите на данок да превземат организирани мерки на самозаштита како би се обезбедиле од секакво насрнување на владеачите на нивниот имот, слободи и права. Ниту еднаш до денес во историјата не се случило оној кој ги губи своите  привилегии да не се обиде на секој можен начин пак да ги воспостави. Затоа секое проповедање демократски форум, во услови кога некој мора да плаќа данок, иако нема доволно за егзистенција, претставува ординирана примена на лукавство за да биде противникот совладан. Денес додуша плаќачите на данок зборуваат ист јазик како и владеачите, но тоа ни најмалку не ги ублажува постоечките антагонизми. И најголемиот санкилот (читај: безгаќаш), ако му кажете дека не треба да се плаќа данок, ќе ве убедува дека тоа мора да се прави „бидејки државата ќе нема од што да живее“. Како да тој видел некое фајде од државата, освен тоа што останал без гаќи. А ако продолжи и понатаму така, сосема е сигурно дека ќе остане и без глава. Тоа ленинизмот го потврди – на просторите на секоја „социјалистичка“ држава многу луѓе останаа без глава, затоа што премногу им веруваа на своите „водачи“.

Сите кои заговараат плаќање данок или се неспособни за научно разгледување на работите или  пак сосема отворено ги сметаат другите за необразовани и во тој случај своите малограѓански илузии им ги наметнуваат на луѓето за практична политика. Не кажал Енгелс залудно: „Сè додека постојат експлоататорски  и владеечки народи и класи на една страна, и експлоатирани и подјармени на друга страна, дотогаш примената на лукавството, покрај примената на сила, ќе биде и на двете страни нужност против која остануваат немоќни сите морални проповеди“. До денес подјармената класа (работници, занаетчии, просветари, медицинари, техноинтелигенција) не покажува никаква снаодливост во примена на лукавството. Но тоа им е и непотребно, имајќи ја во раце науката за општеството – марксизмот. Тие бегаат од него, бидејки се убедени дека тој е погрешен. Но, во склад со народната „Не зборувај лошо за коњот кој не си го јавал“ ќе им кажеме да не им веруваат на капиталистите и нејзините идеолози додека не го проучат марксизмот. Кога ќе  го направат тоа, ќе увидат колку многу грешиле што им верувале на „комунистите“ кои не знаат марксизам, но и на бранителите на капитализмот, кои не се ништо подобри од таквите „комунисти“.

ЛУЃЕ! Ако не си го приберете умот власта ептен ќе ви го истера. Но, сами сте виновни кога им верувате. Ете, немате плата, невработени сте и ја слушате власта за плаќање сметки, даноци, такси, царини и сл. Како можеш да платиш нешто ако си невработен?! Но, вие ,,правите‘‘ се‘ само ,,данокот да си го платите‘‘. За власта правите и што не е можно, а нам не ни верувате дека нова општествена организација на научни основи е можна. Со кој ум?!

Со разни реклами, спотови, емисии и сл. ,,владата‘‘ ве убедува дека е патриотски, хумано и совесно да си ги плаќате сметките и даноците. А кога ни тоа не помага ,,колку да знаете за неплатен данок ќе лежите затвор до 5 години‘‘. А дали платежните способности ви овозможуваат да ги плаќате сметките и даноците – за тоа ,,владата‘‘ не размислува.

Уште старите римски правници кажале: ,,Законот не присилува на невозможно‘‘, а ,,владата‘‘ запнала: ,,Плати! Или затвор до 5 години!‘‘ Пред се‘ во таа ,,влада‘‘ седат паметни луѓе. Барем доктори на економски и правни ,,науки‘‘ има со лопата да ги рине човек. Тие ,,учени‘‘ доктори требало да прочитат на многу места во историјата дека аристократијата во Средниот век била ослободена од плаќање данок. Секој владетел го ослободувал од плаќање данок благородникот, кој се истакнал во некој воен поход или направил некое големо витешко дело. Понатаму, постои латинска изрека: ,,Јаден народ, кој плаќа данок‘‘. Во Херодотовата историја под 9.6. стои: ,,Крез е прв од варварите, кој принудил еден дел од Елините да му плаќаат данок‘‘. Под 15.27.: ,,Ги присилил Елините во Азија да му плаќаат данок‘‘. Маркс: ,,Смалување на даноците, нивно правилно распоредување итн. итн. тоа е банална капиталистичка реформа. Укинување на даноците, тоа е капиталистички социјализам‘‘ (Види го даночниот систем на Кралството Луксембург!) (Ете, во капиталистичкиот социјализам нема даноци. Каков ли беше оној што пропадна кога во него му одземаа се‘ на обврзникот, кој не го платил данокот!). А В. Пети се изјаснува за посебни јавни давачки во корист на бандитите, бидејќи: ,,За јавноста е подобро да се сама оданочува отколку да дозволи бандитите да ја оданочуваат‘‘. Тој ги отфрла даноците ,,кои го пренесуваат богатството од работниот свет на оние кои ништо не работат туку само јадат, пијат, пеат, свираат, играат и се бават со метафизика‘‘ (Маркс-Енгелс: Дела. Том 20/358). Едноставно целокупната историја докажува дека данок плаќаат неслободни луѓе, дека тоа е ропска обврска и дека ,,нема друга вештина која што една влада ќе ја научи од друга од она како да извлекува пари од џебот на народот‘‘ (А. Смит: Истражување за богатството на народот… стр.1183). Реченото го потврдува и владата на Р. Македонија.

Но да ги прашаме надлежните од ,,владата‘‘: ,,Ако во минатото Македонците плаќале даноци затоа што биле робови на Турците, Србите, Бугарите, квази-комунистите, зошто мораат да плаќаат и денес кога живеат во суверена и независна Македонија?‘‘ Или во Р. Македонија суверена и независна е само владата да го пљачка НАРОДОТ како знае и умее! Да. Капиталистичките малограѓани и не знаат да размислуваат за друго освен да смалат едни даноци, да зголемат други и постојано да ги зголемуваат цените.

ЛУЃЕ! Овие бандити на власт ништо не читаат, ништо не размислуваат. Тие само знаат: ,,Што си зајмил-врати (со камата), што потрошиш-плати!‘‘, а не размислуваат како стоковното стопанисување човековата способност да произведе повеќе отколку што му треба, ја претвара во неспособност да заработи ни колку што му треба, за да преживее!!!

Не е потребно да се повикуваат луѓето да не плаќаат никакви сметки, такси, даноци, царини и сл. Самото стоковно стопанисување ги прави од ден на ден неспособни да плаќаат се‘ она што се бара од нив. Едноставно со концентрацијата на богатството во се‘ помал број раце осиромашуваат се‘ поголем број луѓе и стануваат инсолвентни. Досега историјата покажува дека многупати поверителите морале да ги отпишаат своите ,,побарувања‘‘. Но, во понатамошниот ôд на стопанството тоа пак продуцира презадолженост на поголем број луѓе. Да не се повторува тоа, неизбежно е да се организира КОМУНИСТИЧКО ОПШТЕСТВО во кое се ослободуваат сите творечки потенцијали на сите лица, од деца до старци и инвалиди и тогаш секој може да произведе повеќе отколку што му треба и да троши колку што му треба.

Буржоазијата ги убивала кралевите и царевите. Ние, марксистите, ќе ги натераме само да работат. Откога ќе си ја одработи секој живеачката тогаш нека се бави со ,,царување‘‘, ,,филозофирање‘‘, уметничко стварање и сл. Тоа е научното: укинување на разликата меѓу производствениот и непроизводствениот труд. По буржуаската логика ,,производен е секој труд кој ствара профит‘‘, па има: криминал, дрога, проституција, оружје, војни и сл. По марксизмот: производно е само она со што се ствараат производи за живеење. ,,Господата‘‘ секојдневно имаат потреба од производите на работникот, но тој воопшто нема потреба од ,,господата‘‘. И зошто ќе му се тогаш? Ама, парите се кај нив. А од каде ги земаат тие парите? Од вас, работниците, преку даноци, такси, царини и други одземања кои немаат никакво логичко оправдување освен ,,господата‘‘ (читај: разбојниците) да живеат угодно. Замислете! Заради даноците буржоазијата на кралевите им ги сечеше главите, а сега ве принудува да плаќате даноци на секаков можен начин. И за тоа еден ,,научник‘‘ од економијата ќе рече: ,,ДДВ е модерен…‘‘. А уште од Херодот останале докази дека данок плаќаат само поробените. Аристократијата и во 18-от век се гордее дека е слободна и не плаќа даноци, а ваму еден интелектуален кретен ќе зборува дека данокот е модерен. Вистина, да му се згади на човека од глупостите на ,,учените‘‘.

Над 100 години време е проблемите да се решаваат НАУЧНО за што Исус ќе рече: ,,ВРЕМЕ Е ЗА ЖЕТВА, А ЖЕТВАРИ ЌЕ НЕМА‘‘. Тогаш НАУКАТА не била развиена, а оние кои требало да бидат ,,жетвари‘‘ – станале волци. ,,И на народот му ги соголуваат коските земајќи даноци‘‘. И кога не може НАРОДОТ да ги плаќа, се воведува посредно оданочување (ДДВ) каде данок плаќа и најбедниот просјак. За ДДВ Ж. Атанасовски вели: ,,Модерен е, од економски и фискални перформанси‘‘ – што е бесмислено. Данокот секогаш бил средство за пљачкање на плаќачите од примачите на данок.

,,СЕКОЈА ВЛАСТ Е ОД БОГА‘‘ ќе каже апостол Павле но, не вели: ,,како божја казна‘‘ затоа што ,,не сакавте бог да ви кралува. И голем грев сторивте барајќи цар… И ќе проплачете од него ама Господ нема да ве слуша.‘‘ (Сам.I 8:1-18). Ако ,,царува бог со луѓето‘‘ ќе нема никакви даноци, затоа што ,,бог не јаде и не пие‘‘. Ќе ја обработуваме неговата земја и ќе водиме сметка ,,како добри домаќини да ја оставиме подобрена на идните генерации‘‘ (,,Капиталот‘‘, стр. 1781), бидејќи ,,земјата не е ваша‘‘ вели Бог, ,,таа е моја‘‘. Тогаш и фабриките кои стојат на земјата, логично, не може да бидат приватна сопственост. Останува: ,,вработување‘‘ на децата на ,,детски‘‘ работни места – за стекнување на работни навики; инвалидите на ,,инвалидски‘‘ – да не бидат терет на никого, а старците на ,,старечки‘‘ и сите да произведуваме ,,према своите способности, а трошиме према потребите‘‘, што резултира од фактот дека секој може да произведе повеќе отколку што му треба… затоа никој нема да наметнува данок и секој ќе си ја одработува егзистенцијата.

За се‘ треба производство, а не пари. Парите само ,,помагаат‘‘ производот да помине од едни раце во други и ништо повеќе. По политичката економија ,,производствено е се‘ што донесува профит‘‘. По МАРКСИЗМОТ производствено е само она што произведува производи за опстанок. Не дозволувајте ГЛУПАЦИ да ви го матат мозокот. Учете од МАРКС!

9d707596fa5914903f3593f9b6e01611